Kerja Tahun
Oleh: Jarto Tarigan Pekan
Kerja Tahun sada pesta rakyat i lingkungan kalak karo. Entah katawari mulai lit pesta kerja tahun enda tapi ngasa gundari tetap lestari. Bahkan adi iperhatiken semakin semarak ras meluas pesta kerja Tahun enda ilingkungen masyarakat karo. Sekali enda kuturiken me sitik tentang kerja tahun i lingkungan masyarakat karo. Tentu saja sikuturiken enda dasarnya pengalaman sini kurasaken, sini kualami ras pengalaman berdasarkan sini kuidah dan kubegi beritana. Pengalaman sikurasaken tentu i sekitar kuta Sukanalu Simbelang inganku tubuh ndube.
Kuinget mula mula kerja Tahun enda lit 3 kali sada tahun ibahan emkap MERE PAGE, MAHPAH ras REBU. Mere Page ibahan waktu Page paksana beltek entah pe nangndangii rumpah. Acara enda biasanya labo iundang kade kade si idarat entah si luar kuta. Peduaken Mahpah emkap ibahan enca dung peranin page. Ije biasanya lit ibahan pahpah hasil panen ras kade kade si idarat pe iundang guna memeriahkan kerja tahun mahpah enda. Rebu ibahan menjelang nuan page ras bas acara enda lit iundang kade kade sidarat tapi lit ka la ngundang kade kade siidarat erkuta. Adi sinen acara kerja tahun enda maka bersyukur bas mulai nuan page emkap alu acara REBU, biasana bulan oktober, emaka bersyukur waktu page enggo menjelang rumpah emkap MERE PAGE ras bersyukur enca dung rani page emkap kerja tahun MAHPAH. Mahpah enda biasanya ibahan bas bulan juli. Adi inen bas kaca mata spiritual maka kalak karo tradisi bersyukur man sang Pencipta enggo terpelihara sejak awal keberadaan kalak Karo. Lit bas sada kuta sitelu acara enda maka salah sada ibelinken ras biasa antara mahpah entah pe Rebu. Ibelinken berarti lit ije gedang aron ras kade kade sini idarat iundang lako memeriahkan acara e. Selain sie rasa bersyukur enda maka PAGE me jadi titik sentral. Page jadi sumber kehidupan utama bas kegeluhen kalak karo. Emaka page me jadi tanaman utama masyarakat ija pe erkuta.
Dungna kerja tahun enda sada nari ngenca ibahan entah bulan juli , entah bulan oktober. Tapi lit ka nge pengecualian bulanna sesuai ras kesepakatan anak kuta. Bas acara kerja tahun enda acara hiburan siutama gendang aron rikutken perkolong kolong. Tapi lit ka nge gendang aron saja. Tahun 1970an lit ka acara gendang aron ras acara band. Sope langa seh matana kerja tahun e maka singuda nguda ras anak perana latihan landek piga piga kali. Bas latihan enda sekaligus dalan jumpa antara anak perana ras singuda singuda. Emaka kerja tahun man singuda nguda anak perana kerja tahun jadi momentum penting kal. Ije me lit hiburan situhu tuhu meriah ras berkesan bagi singuda nguda anak perana. Erkiteken sie labo ateta mamang enca dung kerja tahun maka piga piga erdemu bayu me ia. Selain sie kerja Tahun enda umumnya i ilakoken i daerah kalak karo sini tading i kabupaten karo ras piga piga kuta kalak karo si sebelah kab karo seperti kuta bawang, seribu jandi ras sidebanna.
Dungna kerja tahun enggo menyebar seh ku Deli Serdang, Langkat, Serdang bedagai ras kuta kuta kalak karo i Dairi, Aceh Tenggara bahkan enggo lit ibahan kerja tahun kuta Medan. Tuhu tuhu meriah ukurta kerina banci dungna kerja tahun jadi ciri pesta rakyat budaya karo. Gia adi kuperhatiken konsep kerja tahunna enggo erbeda bas kuta kuta sikubelasken enda ndai. Ciri kerja Tahun adi i kabupaten karo emkap ku rumah rumah ertamu adi kerja tahun tapi kuta kuta sikuturiken diluar kab karo enda umumnya lit ilakoken pesta hiburan gendong kibot , perkolong kolong ras bintang tamu tapi lalit terima tamu ku rumah rumah. Bage gia tentu semangat pesta rakyat kerja tahun menjadi simbol ke" karoan" nta kerina.
Tambah sie, kuidah gundari kerja tahun pe enggo jadi trend i taneh perantauan. Hampir tiap kota provinsi se Indonesia enggo lit erbahan pesta rakyat kerja tahun enda secara rutin. Bahkan lit piga piga kota bas sada provinsi si ngelakoken pesta rakyat kerja tahun enda. Lit ka deba ilakokenna kerja tahun berdasarkan kuta asal ras lit ka kerja tahun berdasarkan merga. Ije terindah kerja tahun jadi simbol kalak karo ras sekaligus memperkuat perkade kadeen ras jadi hiburan sekaligus. Selain sie tentu saja jadi sarana melestarikan budaya man generasi muda kalak karo i perantauan. Pelestarian budaya karo enda penting ija pe kita ringan. Selain sie salah sada jadi daya tarik kerja tahun emkap musik karo bas acara landek. Acara landek ibahan rata rata terhibur ras ergairah ikut landek. Emaka gundari enggo cukup populer istilah patam patam.
Ibas cerita kerja tahun enda lit sada simenggelitik man bangku emkap tentang " gendang aron". Adi mbarenda gendang aron jadi event sini itunggu tunggu singuda singuda anak perana. Tapi menurut informasi sikueteh gendang aron enda i kuta enggo me bagi mati suri. Lanai bo kuakap lit i kuta acara gendang aron bagi si nai. Menurutku enda terjadi erkiteken adi nai gendang aron bas kerja tahun em acara singuda nguda anak perana sini lanai sekolah. Ertina singuda nguda anak perana silanai sekolah me ikut ergendang aron enda. Adi sisekolah denga labo umum ikut ergendang aron. Perubahen zaman maka rata rata singuda nguda anak perana i kuta kuta rata rata enggo sekolah. Emakq dungna lanai lit siikut gendang aron bas kerja tahun. Bicara siidah lit kalak gendang aron tapi enggo mbue i sewa bas talent nari Kabanjahe nari entah pe Brastagi nari. Emaka bicara pe lit temanta landek singuda nguda entah pe anak.perana maka kepe labo anak kuta e nari tapi anggota talent nari. Bage gia lit ka nge kuakap seluar biasa emkap lit piga piga sekolah i Kabanjahe ras Brastagi maka tentang peradatan kalak karo me ibahanna ekstra kurikulum. Lit piga piga kali kuidah bas media sosial.sekolah sekolah praktek kerja adat ertembe tembe nereh empo, ndalanken adat kalak Mate ras sidebanna. Sienda tuhu tuhu salut aku guna melestarikan peradaten kalak karo kupudi wari enda. Enda me sitik aku erbelas tentang kerja Tahun i kota Bengkulu nari. Bas kurangna ersentabi aku man bandu kerina. Bujur
Bengkulu, 3 februari 2026
Kuinget mula mula kerja Tahun enda lit 3 kali sada tahun ibahan emkap MERE PAGE, MAHPAH ras REBU. Mere Page ibahan waktu Page paksana beltek entah pe nangndangii rumpah. Acara enda biasanya labo iundang kade kade si idarat entah si luar kuta. Peduaken Mahpah emkap ibahan enca dung peranin page. Ije biasanya lit ibahan pahpah hasil panen ras kade kade si idarat pe iundang guna memeriahkan kerja tahun mahpah enda. Rebu ibahan menjelang nuan page ras bas acara enda lit iundang kade kade sidarat tapi lit ka la ngundang kade kade siidarat erkuta. Adi sinen acara kerja tahun enda maka bersyukur bas mulai nuan page emkap alu acara REBU, biasana bulan oktober, emaka bersyukur waktu page enggo menjelang rumpah emkap MERE PAGE ras bersyukur enca dung rani page emkap kerja tahun MAHPAH. Mahpah enda biasanya ibahan bas bulan juli. Adi inen bas kaca mata spiritual maka kalak karo tradisi bersyukur man sang Pencipta enggo terpelihara sejak awal keberadaan kalak Karo. Lit bas sada kuta sitelu acara enda maka salah sada ibelinken ras biasa antara mahpah entah pe Rebu. Ibelinken berarti lit ije gedang aron ras kade kade sini idarat iundang lako memeriahkan acara e. Selain sie rasa bersyukur enda maka PAGE me jadi titik sentral. Page jadi sumber kehidupan utama bas kegeluhen kalak karo. Emaka page me jadi tanaman utama masyarakat ija pe erkuta.
Dungna kerja tahun enda sada nari ngenca ibahan entah bulan juli , entah bulan oktober. Tapi lit ka nge pengecualian bulanna sesuai ras kesepakatan anak kuta. Bas acara kerja tahun enda acara hiburan siutama gendang aron rikutken perkolong kolong. Tapi lit ka nge gendang aron saja. Tahun 1970an lit ka acara gendang aron ras acara band. Sope langa seh matana kerja tahun e maka singuda nguda ras anak perana latihan landek piga piga kali. Bas latihan enda sekaligus dalan jumpa antara anak perana ras singuda singuda. Emaka kerja tahun man singuda nguda anak perana kerja tahun jadi momentum penting kal. Ije me lit hiburan situhu tuhu meriah ras berkesan bagi singuda nguda anak perana. Erkiteken sie labo ateta mamang enca dung kerja tahun maka piga piga erdemu bayu me ia. Selain sie kerja Tahun enda umumnya i ilakoken i daerah kalak karo sini tading i kabupaten karo ras piga piga kuta kalak karo si sebelah kab karo seperti kuta bawang, seribu jandi ras sidebanna.
Dungna kerja tahun enggo menyebar seh ku Deli Serdang, Langkat, Serdang bedagai ras kuta kuta kalak karo i Dairi, Aceh Tenggara bahkan enggo lit ibahan kerja tahun kuta Medan. Tuhu tuhu meriah ukurta kerina banci dungna kerja tahun jadi ciri pesta rakyat budaya karo. Gia adi kuperhatiken konsep kerja tahunna enggo erbeda bas kuta kuta sikubelasken enda ndai. Ciri kerja Tahun adi i kabupaten karo emkap ku rumah rumah ertamu adi kerja tahun tapi kuta kuta sikuturiken diluar kab karo enda umumnya lit ilakoken pesta hiburan gendong kibot , perkolong kolong ras bintang tamu tapi lalit terima tamu ku rumah rumah. Bage gia tentu semangat pesta rakyat kerja tahun menjadi simbol ke" karoan" nta kerina.
Tambah sie, kuidah gundari kerja tahun pe enggo jadi trend i taneh perantauan. Hampir tiap kota provinsi se Indonesia enggo lit erbahan pesta rakyat kerja tahun enda secara rutin. Bahkan lit piga piga kota bas sada provinsi si ngelakoken pesta rakyat kerja tahun enda. Lit ka deba ilakokenna kerja tahun berdasarkan kuta asal ras lit ka kerja tahun berdasarkan merga. Ije terindah kerja tahun jadi simbol kalak karo ras sekaligus memperkuat perkade kadeen ras jadi hiburan sekaligus. Selain sie tentu saja jadi sarana melestarikan budaya man generasi muda kalak karo i perantauan. Pelestarian budaya karo enda penting ija pe kita ringan. Selain sie salah sada jadi daya tarik kerja tahun emkap musik karo bas acara landek. Acara landek ibahan rata rata terhibur ras ergairah ikut landek. Emaka gundari enggo cukup populer istilah patam patam.
Ibas cerita kerja tahun enda lit sada simenggelitik man bangku emkap tentang " gendang aron". Adi mbarenda gendang aron jadi event sini itunggu tunggu singuda singuda anak perana. Tapi menurut informasi sikueteh gendang aron enda i kuta enggo me bagi mati suri. Lanai bo kuakap lit i kuta acara gendang aron bagi si nai. Menurutku enda terjadi erkiteken adi nai gendang aron bas kerja tahun em acara singuda nguda anak perana sini lanai sekolah. Ertina singuda nguda anak perana silanai sekolah me ikut ergendang aron enda. Adi sisekolah denga labo umum ikut ergendang aron. Perubahen zaman maka rata rata singuda nguda anak perana i kuta kuta rata rata enggo sekolah. Emakq dungna lanai lit siikut gendang aron bas kerja tahun. Bicara siidah lit kalak gendang aron tapi enggo mbue i sewa bas talent nari Kabanjahe nari entah pe Brastagi nari. Emaka bicara pe lit temanta landek singuda nguda entah pe anak.perana maka kepe labo anak kuta e nari tapi anggota talent nari. Bage gia lit ka nge kuakap seluar biasa emkap lit piga piga sekolah i Kabanjahe ras Brastagi maka tentang peradatan kalak karo me ibahanna ekstra kurikulum. Lit piga piga kali kuidah bas media sosial.sekolah sekolah praktek kerja adat ertembe tembe nereh empo, ndalanken adat kalak Mate ras sidebanna. Sienda tuhu tuhu salut aku guna melestarikan peradaten kalak karo kupudi wari enda. Enda me sitik aku erbelas tentang kerja Tahun i kota Bengkulu nari. Bas kurangna ersentabi aku man bandu kerina. Bujur
Bengkulu, 3 februari 2026